Hevserokê Partiya Aştî û Demokrasiyê BDP ragehand ku piştî derbasbûna 100 salî, niha fersenda azadbûna gelê Kurd hatiye, behsa vê yekê kir ku ew li pêşeroja Kurdistanê ne reşbîn e ji ber ku gelê Kurd li her çar perçeyên Kurdistanê bi êşên hev hesiyane û hewil didin ku ji hevûdu ra bibin derman
Di merasîma 66`emîn salyada Komara Kurdistanê Hevserokê BDP`ê Selahedîn Demirtaş gotinek pêşkêş kir û got: piştî derbasbûna 100 salî, carek din deryê azadiyê li pêşiya Kurdan hatiye vekirin. Divê em weku Kurd biryarê bidin ku em di wî derî re derbas bibin yan jî divê em wî derî li pêşiya xwe bigrin. Di baweriya min de Kurdan biryara xwe daye ku di wî derî re derbas bibe, niha jî li her çar perçeyên Kurdistanê xebat li ber wî derî tê kirin
Demirtaş ev jî got: eger em ji her Kurdekî bipirsin çima heta niha Kurd gelekî bindest e? Wê bersiva wî ev be ku rênekeftina naxweyiya Kurdan e, madam em dizanin ev egera wê yekê ye, ji bo çi em peywendiyên xwe bi hev re bihêz nekin
Di dirêjahiya gotina xwe de Demirtaş got: "Ez wek Hevserokê BDP`ê ji bo pêşeroja gelê Kurd ne reşbîn im, çunkî dema îro Kurdek li Hewlêrê serê wî dêşe, Kurdên Amedê, Qamişlo, Mihabadê jî serê wan dêşe. Her weha ez di wê baweriyê de me ku gelê me li başûrê Kurdistanê jî bi êşa Kurdên li perçeyên din yên Kurdistanê dihese û hewil dide ku ji êşa wan re bibe derman
Di dawiyê de, Demirtaş cext li ser yekîtiya neteweyî kir ku dema wê hatiye Kurd yekîtiya xwe ya neteweyî ava bike ku ev demeke danûstandin li vê barê tên kirin
Xendan
&list=UUbhk_hVJZSzkFfmGZFxckRw&index=1&feature=plcp
